गुरुपौर्णिमा .......

 

Click Here to Watch 

गुरुपौर्णिमा उत्सव - २०२५

दि. १० जुलै                     वार:- गुरुवार

नागपूर शिक्षण मंडळ संचालित श्री दादासाहेब धनवटे नगर विद्यालयात मा. मुख्याध्यापिका माधुरी यावलकर यांच्या अध्यक्षतेखाली गुरुपौर्णिमा उत्साहात साजरी करण्यात आली. यावेळी मंचावर शाळा प्रभारी कीर्ती बल्की व कांचन चौधरी मॅडम उपस्थित होते.

दीपप्रज्वलनानंतर सरस्वती प्रतिमेस माल्यार्पण तसेच ग्रंथपूजन करून कार्यक्रमाची सुरवात करण्यात आली. प्रास्ताविकेतून सौ.कीर्ती बल्की यांनी विद्यार्थ्यांच्या जीवनात गुरुचे माहात्म्य विविध दृष्टांत देऊन पटवून दिले. कु. किमया हीने सुमधूर आवाजात 'गुरुवंदना' सादर केली. आपल्या मार्गदर्शनपर भाषणात मुख्याध्यापिका महोदयांनी निसर्ग, पर्यावरण, पशु-पक्षी, पुस्तके, संगणक, इंटरनेट, ग्रंथालय, शाळा तसेच शिक्षक अशा सर्व सजीव-निर्जीव गुरुंविषयी कृतज्ञता प्रगट करून गुरुपौर्णिमा उत्सव आपले सर्वांचे जीवन समृद्ध करो ही सदिच्छा व्यक्त केली.

याप्रसंगी विद्यार्थ्यांनी सर्व शिक्षकांना गुलाबपुष्प देऊन आपल्या गुरुंविषयी आदर व्यक्त केला. कार्यक्रमाचे सूत्रसंचालन कु. ईश्वरी घडोले व आभार प्रदर्शन कु. सिमरन गजभिये हिने केले. कार्यक्रमाच्या यशस्वितेसाठी सौ.साधना पांडेय, सौ. रविंदर सेठी, सौ.सुनिता यादव मॅडम व श्री. दानव, श्री. गोमासे यांनी परिश्रम घेतले.

Report by - 

Mr. B. Gomase

*********************************************************************************

गुरुपौर्णिमा हा भारतीय संस्कृतीतील एक अत्यंत पवित्र आणि श्रद्धेचा सण आहे. हा दिवस आपल्या गुरूंप्रती कृतज्ञता व्यक्त करण्यासाठी साजरा केला जातो. "गुरु" म्हणजे अंधारातून प्रकाशाकडे घेऊन जाणारा मार्गदर्शक. शिष्याचे जीवन घडवणारा, ज्ञान देणारा आणि सदैव योग्य मार्ग दाखवणारा व्यक्ती म्हणजे गुरु.

गुरुपौर्णिमा आषाढ महिन्याच्या पौर्णिमेला येते. या दिवशी महर्षी व्यासांचा जन्म झाला होता, ज्यांनी वेदांचे संकलन, महाभारताचे लेखन आणि अनेक पुराणांचे रचनेत योगदान दिले. म्हणून या दिवसाला व्यास पौर्णिमा असेही म्हणतात.

भारतात प्राचीन काळापासून गुरु-शिष्य परंपरेला फार मोठे महत्त्व दिले गेले आहे. वेद, उपनिषदे आणि धार्मिक ग्रंथांमध्ये गुरूचे स्थान देवाहूनही मोठे मानले गेले आहे –
"गुरुर्ब्रह्मा गुरुर्विष्णुः गुरुर्देवो महेश्वरः।
गुरुः साक्षात् परब्रह्म तस्मै श्रीगुरवे नमः॥"

गुरुपौर्णिमेच्या दिवशी शिष्य आपापल्या गुरूंना नमस्कार करून त्यांची सेवा करतात. शाळा, महाविद्यालये, योगकेंद्रे आणि धार्मिक स्थळांमध्ये या दिवशी विशेष कार्यक्रमांचे आयोजन केले जाते. गुरुचे उपदेश, त्यांचे मार्गदर्शन हे जीवनात योग्य दिशा देतात.

आधुनिक काळातही या दिवसाचे महत्त्व अबाधित आहे. शिक्षक, आध्यात्मिक गुरु, पालक, मार्गदर्शक यांच्या योगदानाला मान देण्यासाठी हा दिवस साजरा केला जातो.

गुरुपौर्णिमा हा फक्त एक सण नसून आपल्या संस्कृतीतील गुरु-शिष्य नात्याचे पवित्र प्रतीक आहे. हे नाते श्रद्धा, आदर आणि शिकण्याच्या इच्छेने जोडलेले असते.

गुरुपौर्णिमा आपल्याला विनम्रता, ज्ञानप्राप्तीची आकांक्षा आणि आपल्या जीवनातील गुरूंच्या योगदानाचे स्मरण करून देते. हे दिवस आपल्याला हे शिकवतो की ज्ञान, संस्कार आणि सद्विचार हेच खरे जीवनाचे आधार आहे

#gurupornima